Juan Jose Zearreta Urigoitialdekozea Zornotzan jaio zen, 1947ko ekainaren 10ean. 60ko hamarkadaren amaieran hasi zen euskalduntze eta alfabetatze kanpainetan parte hartzen. Hala, 1968-69 ikasturtean Deustuko San Felicisimon euskarazko eskolak sortu ziren, Zearreta talde horretako partaide izan zelarik.

1970ean Lehen Urratsak liburuaren prestaketan jardun zuen, besteak beste, Patxi Elgezabal eta Ricardo Badiolarekin.

Urte horietan lanean zebilen Bizkaiko alfabetatze batzordeko kide izan zen. 1975-76an, herrialde guztietako batzordeak batu eta Alfabetatze eta Euskalduntze Koordinakundea (AEK) sortu zenean, bera izan zen sortzaileetariko bat, idazkari lanak ere bete zituelarik.

1973an hasi zen lanean Euskaltzaindian, Ekonomia arloan, Jose Luis Lizundia orduko idazkariordearen lankiderik hurbilena izan zelarik. 1975eko ekainaren 27an euskaltzain urgazle izendatu zuten.

2003an  Euskaltzaindiaren kudeatzaile izendatu zuen Akademiak.

Euskalduntze prozesuarekin loturik beti ere, hainbat lan argitaratu zituen, elkarlanean:

• Euskalduntzen (3 liburuki), 1972
• Alfabetatzen (1975)
• Euskara: Hizkuntza Ariketak (1976)
• Euskal Hiztegi Modernoa (1977)
• Sortzen - I (1978)
• Hiztegia 80 (1980)

Iruzkinak

Berria gehitu Bilatu

Juan Karlos Lopez-Mugartza Iri  - JUANJO MILA ESKER EMAN DIGUZUN GUZTIARENGATIK   |2009-11-08 11:53:39 Duela gutxi adiskide on batek deitu dit zure berri emanez... Oraindik sinetsi ezinik nago. Zer da bizitza? Herenegun elkarrekin izan ginen... asko da zuri eskertu behar dizudana. Badakizu. Baina, orain, joan zarelarik, nola kitatu zurekiko zorra? Arrantzaleei elkartasuna erakutsi zenien, besteei laguntza eta sostengua ematen eman duzu bizia. Orain, Henrikerekin biltzean denon partetik goraintziak eman. Zure hutsunea ezin izanen dugu inoiz ere bete. Negarra begietan, adiorik ez.

Edurne Etxebarria   |2009-11-08 14:49:51 Doluminak etxekoei eta Euskaltzaindiari

AUM   |2009-11-09 10:57:02 Mila esker, Juanjo, eta izan zaitez ongi hor goian.

Ikastolatik   |2009-11-09 10:58:22 Ikastolan inoiz ikusi zaitugun arren, zure semeen bidez ezagutu zaitugu. Hiztegi 2000 irekitzen genuenean, Txaberrek zure izena egileen artean zegoela erakusten zigun harrotasunez eta irribarrez. Horrela eman ditugu 3. mailatik aurrerakoak hiztegia esku artean hartzen genuen bakoitzean. Behin irakurri nuen, seme alabak gurasoen kurrikuluma direla. Eskerrik asko utzi diguzun kurrikulumagatik! Ez adiorik,

AEKren prentsa bulegoa  - Juan Jose Zearretari, begirunez eta maitasunez     |2009-11-09 13:53:49 Joan zaigu Juan Jose Zearreta, hutsune gaitza lagata: Zornotzak semea galdu; Euskaltzaindiak langile fina; guk, AEK-k, sortzailea eta laguna. Euskararen ortuan zuk erein haziak eman du, eta emango, uzta ugaria

jj  - mila esker   |2009-11-09 16:03:10 Eskerrik asko, Juanjo, "ire bidez dotoigu damaigun indarra"

Julian Beloki Guerra  - Juanjo gogoan.   |2009-11-10 14:10:56 Ezagutu nuen apurrean, hiru gauza somatu nizkion beti: ordezkatzen zuen erakundearekiko lotura erabatekoa, gazi-gozoekiko umorea eta antolakuntza-zereginetarako prestutasuna. Halaxe gogoratuko dut beti. Neure elkartasun osoa Juanjoren hutsunea bihotz-minetan bizi duzuenoi.

Estibaliz Alkorta  - Ez adiorik   |2009-11-10 15:40:58 Ostiralean bertan jardun ginen telefonoz... Ezin sinetsi nago oraindik... Nire doluminik sentikorrenak Juanjoren familiari eta Euskaltzaindiari.

Iruzkina idatzi
Izena:
Emaila:
Webgunea:
Izenburua:
UBB kodea:	-kolorea-ur koloreabeltzaurdinafuksiagrisaorlegialimamarroiamarinoolibamoreagorriazilarraturkesazuriahoria -tamaina-oso txikiatxikiaertainahandiaitzela
	Mesedez sar ezazu irudian agertzen den spamaren aurkako kodea.

Powered by !JoomlaComment 3.26

---

3.26 Copyright (C) 2008 Compojoom.com / Copyright (C) 2007 Alain Georgette / Copyright (C) 2006 Frantisek Hliva. All rights reserved."